પ્રશ્નો અમોને મોકલો મોબાઇલ એપ્લિકેશન કૃષિ વિશે માહિતી

:: ખેડૂત મિત્રોને મુંઝવતા કૃષિ વિષયક પ્રશ્નો ::


(1) સૌરાષ્ટ્ર વિસ્તારમાં હાલમાં પપૈયા માટે કઈ જાત સારી છે?

જવાબ :  

પપૈયા દેશ લેવલે ધણી બધી જાતો કે જે પસંદગીની પધ્ધતિથી તેમજ સંકર જાતો બહાર પાડવામાં આવેલી છે. પરંતુ સૌરાષ્ટ્ર વિસ્તાર માટે મધુબિંદુ નામની જાત ખુબ જ અનુકુળ છે તેમજ ફળની મીઠાશ અન્ય જાત કરતા ખુબ સારી છે.

(2) પપૈયામાં પાન લાંબા દોરી જેવા અથવા કોકડાઈ જાય છે તે કયો રોગ છે? તેને કેવી રીતે કાબૂમાં લેવો?

જવાબ :  
  • પપૈયામાં ત્રણ પ્રકારના વિષાણુજન્ય રોગ આવે છે.
    • પાનનો કોકડવા (લીફ કર્લ)
    •  પીળા ગોળ ટપકાં (રીંગ સ્પોટ વાયરસ)
    •  ચટાપટા (મોઝેક)
  •  આ રોગોના નિયંત્રણ માટે પ્રથમ તો રોગપ્રતિકારક જાત વાવેતર માટે પસંદ કરવી જોઈએ. રોપણી માટેના રોપા પણ તંદુરસ્ત હોવા જોઈએ. રોગની શરૂઆતમાં અસરયુકત છોડનો ઉપાડીને નાશ કરવો ત્યારબાદ શોષક પ્રકારની જંતુનાશક દવાનો જરૂર મુજબ છંટકાવ કરવો.